Kokteill
Höfundur og leikstjóri: Guðjón Sigvaldason
Frumsýning 1. mars 2025.

Halaleikhópurinn sýnir um helgina leiklesturssýninguna Kokteil eftir Guðjón Sigvaldason sem einnig leikstýrir. Sex sprækir Halar leika / leiklesa sumir eru splunkunýir á sviðinu aðrir reynslunni ríkari. Miðasala ísíma 8975007 og á This email address is being protected from spambots. You need JavaScript enabled to view it.

Leikstjórinn dró fram 3 eldri stuttverk eftir sjálfan sig, sem flutt hafa verið áður, en voru skrifuð fyrir 6 til 9 ára leikara, en höfundi langaði að prófa að vinna þau með eldri leikurum, sem tilraun. Höfundur samdi síðan tvö ný verk auk eintala fyrir hópinn til að setja þetta saman sem Kokteil þann sem þér er til boða núna

Sýningar verða laugardaginn 1. mars kl. 20.00, sunnudaginn 2. mars kl.17.00 og sunnudaginn 9. mars kl.17.00. .

Obbosí, eldgos!
Leikstjóri og höfundur er Sigrún Valbergsdóttir.
Frumsýning 10. febrúar 2023.

Við erum stödd á notalegum sveitabæ, Snortrustöðum, sem býður uppá bændagistingu og ýmsa óvenjulega afþreyingu á meðan á dvölinni stendur. Frumlegt tilboð hefur vakið athygli og bærinn fyllist af gestum, einmitt sama sólarhringinn og allar kýrnar á bænum bera. Bærinn stendur hins vegar á virka eldgosabeltinu og lítið eldgos í næsta nágrenni bæði laðar að og fælir frá. Fjóla bóndadóttir þarf að hafa stjórn á öllu sem á dynur og skyndilega .... nei, hér segjum við ekki meir, en sjón er sögu ríkari. Þessi ótrúlega atburðarás á sér öll á einn eða annan hátt fyrirmynd í raunveruleikanum.

Kirkjugarðsklúbburinn
Höfundur Ivan Menchell. Leikstjóri Pétur Eggerz.
Frumsýning 8. mars 2024.

Halaleikhópurinn sýnir bandaríska gamanleikritið Kirkjugarðsklúbbinn eftir Ivan Menchell, leikstjóri er Pétur Eggertz, þýðandi er Elísabet Snorradóttir.

Leikritið fjallar af einstakri næmni og kímni um þrjár miskátar ekkjur sem hafa verið vinkonur árum saman og hafa nú misst lífsförunauta sína. Hver og ein þeirra hefur fundið sína leið til þess að takast á við sorgina. Lífið heldur áfram þrátt fyrir allt. Einu sinni í mánuði fara vinkonurnar saman í kirkjugarðinn að vitja leiða eiginmannanna. Dag nokkum hitta þær fullorðinn ekkil í garðinum og þar með lenda vinkonurnar í óvæntri krísu. Nær tryggðaheit hjónabandsins út yfir gröf og dauða?

Vinkonumar þrjár eru leiknar af þeim Hönnu Margréti Kristleifsdóttur, Sóleyju B. Axelsdóttur og Stefaníu B. Björnsdóttur. Ekkilinn leikur Jón Gunnar Axelsson og kunningjakonu þeirra leikur Margrét Eiríksdóttir.

Sýningar verða í Halanum Hátúni 12. Miðasala í síma 8975007 og á netfanginu This email address is being protected from spambots. You need JavaScript enabled to view it.

Nú er hann sjöfaldur - stuttverkadagskrá.
Leikstjóri er Guðmundur Lúðvík Þorvaldsson.
Frumsýnt 14. febrúar 2020

Sýnd verða verkin: Hverjir voru hvar, Gamli vinur og Kaffi og með því eftir Guðmund Lúðvík Þorvaldsson. Lokakeppnin eftir Halldór Magnússon, Kurteisi eftir Don Ellione, Verkið eftir Örn Alexandersson, Aftur á svið eftir Fríðu Bonnie Andersen. Höfundarnir eiga það sameiginlegt að starfa innan raða BÍL eins og Halaleikhópurinn.